კიევში არსებულმა საცობებმა უკრაინის დედაქალაქის მერს სამსახურში ველოსიპედიტ სიარული გადააწყვეტინა. ვიტალი კლიჩკო თავის ფეისბუკგვერდზე ფოტოებს აქვეყნებს და აცხადებს, რომ ამის შემდეგ სამსახურში სწორედ ამ სატრანსპორტო საშუალებით წავა:

„გადავწყვიტე სამსახურში და საქმეებზე, ქალაქის ცენტრალურ რაიონებში ველოსიპედით ვიარო. პირველი: ეს მოსახერხებელი და სწრაფი გადაადგილების საშუალებაა კიევის საცობების გათვალისწინებთ, მეორე- სასარგებლოა ჯანმრთელობისთვის. მინუსი ის აქვს, რომ ავტომობილის მძღოლების ნაწილი ველოსიპედისტების მიმართ მთლად კორექტულად არ იქცევიან. საჭირო ხდება განმარტებითი მუშაობის ჩატარება. მესმის, რომ ველობილიკები საკმარისი არაა, ამასთან დაკავშირებით ჩვენ უკვე ვმუშაობთ“- წერს ვიტალი კლიჩკო.