სავარაუდოდ ეს გახლავთ მიმდინარე წლის მარტის თვეში, სოფელ ჭკადუაშიდან დაკარგული გ.კ.-ს გვამი. ცხედარი ნაპოვნია გალის რაიონ, სოფელ ნაბაკევში, მდინარე ენგურის ნაპირზე.

რუს ოკუპანტებთან მოლაპარაკებებში, ცხედრის გადმოცემის თაობაზე ჩაერთო სამეგრელო-ზემოსვანეთის სამხარეო პოლიცია. რუსმა ოკუპანტებმა მათ მიერ კონტროლირებად ტერიტორიაზე ცხედრის გადმოსვენების დროს ქართველ სამართალდამცავებს უსაფრთხოების უზრუნველყოფა აღუთქვეს.

აღსანიშნავია, რომ ჯერჯერობით ცხედრის იდენტიფიკაცია არ მომხდარა, მაგრამ გავრცელებული ინფორმაციის თანახმად, სოფელ ჭკადუაშიდან გატაცებული გ.კ.-ს ახლობლები შემთხვევის ადგილზე იმყოფებოდნენ და მათ გვამის ამოცნობა შეძლეს.