პირველად საქართველოში, 24წლის გიორგი ჩოკურმა პიცის ცხობა შემოქმედებად აქცია. ტილოსა და ნებისმიერი ნამუშევრის პიცაზე გადმოტანა უკვე შესაძლებელია. აკრილისა და ზეთის საღებავები ახალგაზრდა შემოქმედმა მოცარელათი და ტომატის სოუსით ჩაანაცვლა კონტურები ნაკვთები და სახის მოყვანილობა, პიცაზე ხატვის პროცესში არტისტი იდენტურობის დაცვას ცდილობს. მისი მიზანი შინაგანი მდგომარეობის და ემოციის გადმოცემაა.

გიორგი ჩოკური უკვე ოთხი წელია რაც 45სახეობის მადისაღმძვრელ იტალიურ კერძს ამზადებს, ქართველ მზარეულს ოსტატმა რაფაელო გარჯულომ იტალიური პიცის მომზადების საიდუმლოებები გაუმხილა.

„თბილისში იყო ჩამოსული ნეაპოლიიდან შეფ-მზარეული, მეპიცე, პიცა-იოლა რაფაელი გარჯულო, რომელთანაც ეტაპობრივად სულ მიწევდა ტრენინგის გავლა და ზოგად ეტაპამდე მივედი რაზეც შეიძლება ვთქვა, რომ მე შემიძლია გამოვაცხო კარგი, გემრიელი და რა თქმა უნდა ნეაპოლიტური ძველი ტრადიციული პიციური გემო რათა ქართველმა ხალხმაც დააგემოვნოს “- აცხადებს ახალგაზრდა ოსტატმა.

გიორგი ჩოკურმა ორი წლის მანძილზე 200მდე ნამუშევარი შექმნა- „ძალიან მნიშვნელოვანია პატარა დეტალების გაკეთება, რომ არ გამოვიდეს იდენტური და განსხვავდებოდეს სხვა პიცისაგან“.

ახალგაზრდა მზარეული შემოქმედებით ძიებას განაგრძობს. ოსტატი იმედოვნებს, რომ პიცაზე ხატვის ინოვაცია მომხმარებლისთვის სულ მალე ხელმისაწვდომი გახდება და მათ მოწონებასაც დაიმსახურებს.

მარიამ კალანდაძე