ესპანეთში, ალგეცირას პორტში ჩატარებული სპეცოპერაციის შედეგად სამართალდამცველებმა ტერორიზმში ეჭვმიტანილი ორი პირი დააკავა. წყვილი მცირეწლოვან ბავშვთან ერთდ მაროკოში გამგზავრებას აპირებდა. ისინი წარმოშობით მაროკოელები არიან.

გამოძიებით დადგინდა, რომ ეს პირები "ისლამურ სახელმწიფოში" ახალი წევრების გადაბირებაზე მუშაობდნენ. ჩხრეკის შედეგად, ესპანეთის პოლიციამ დიდი რაოდენობით "ისლამური სახელმწიფოს" სააგიტაციო ლიტერატურა და იარაღი ამოიღო.

შინაგან საქმეთა უწყების ცნობით, წყვილმა ესპანეთიდან გამგზავრების გადაწყვეტილება მოულოდნელად მიიღო, რადგან დაკავებული მამაკაცის ძმა თვითმკვლელი ტერორისტი აღმოჩნდა, რომელიც ცოტა ხნის წინ ერთ-ერთი აფეთქების დროს დაიღუპა, თუმცა რომელ ტერაქტზეა ლაპარაკი და სად აიფეთქა მან თავი, გამოძიება არ აკონკრეტებს.