დედა 11 შვილის პორნო-სურათების რეალიზაციისთვის დააკავეს

სამართალი - 11:39, 11 Apr, 2013

5102

როგორც შინაგან საქმეთა სამინისტროს საზოგადოებასთან ურთიერთობის სამსახურის უფროსმა ნინო გიორგობიანმა დღეს გამართულ ბრიფინგზე განაცხადა, საქმის გამოძიება ერთდროულად ამერიკის, ისრაელისა და ქართველი სამართალდამცველების მონაწილეობით მიმდინარეობდა.

"სამთვიანი ოპერატიულ-სამძებრო ღონისძიებებისა და ქვეყნებს შორის კოორდინირებული მუშაობის შედეგად, სამართალდამცველებისთვის ცნობილი გახდა მსხვერპლისა და ბრალდებულების ვინაობა.

გამოძიებამ დაადგინა რომ, მსხვერპლი არის საქართველოს მოქალაქე 11 წლის მცირეწლოვანი გოგონა. რომელსაც 2 წლის განმვალობაში დედა აიძულებდა მონაწილეობა მიეღო პორნოგრაფიული ვიდეოებისა და ფოტოების გადაღებაში.

მცირეწლოვანის პორნოგრაფიულ მასალას ის მატერიალური გამორჩენის მიზნით გარკვეული თანხის სანაცვლოდ ყიდდა ქართული წარმოშობის ისრაელის მოქალაქე მამაკაცზე. აღნიშნული პიროვნება არაერთხელ იმყოფებოდა საქართველოში და თანამზრახველ დედასთან ერთად, მონაწილეობდა ფოტო და ვიდეო-მასალების დამზადებაში.

თავის მხრივ ის ისრაელში დაფიქსირებული IP მისამართიდან ტვირთავდა აღნიშნულ ფოტოებს სხვადასხვა საიტებზე და მსოფლიოს სხვადასხვა ქვეყნებში ახდენდა მათ რეალიზაციას.

დანაშაულის სენსიტიურობიდან გამომდინარე დაუყოვნებლივ იქნა მიღებული ზომები და ორივე ქვეყანაში დაიგეგმა ბრალდებულების დაკავების ოპერაცია", - განაცხადა გიორგობიანმა.

მისივე თქმით, 8 აპრილს დააკავეს მსხვერპლის დედა 45 წლის საქართველოს მოქალაქე, ხოლო ისრაელში 42 წლის მამაკაცი.

გიორგობიანის განმარტებით, მსხვერპლის დედა მოთავსებულია თბილისის მთავარ სამმართველოში. საქმე სსკ-ის 143-ე მუხლით აღიძრა, რაც არასრულწლოვნით ვაჭრობას გულისხმობს და თავისუფლების 8-დან 11 წლამდე აღკვეთას ითვალისწინებს.

"დაზარალებული გადაყვანილია ტრეფიკინგის მსხვერპლთა სახელმწიფო ფონდის თავშესაფარში. ამჟამად რესოციალიზაციის მიზნით მას ფსიქოლოგების დახმარება უტარდება", - აღნიშნა გიორგობიანმა.