წითელი ფარნების ხეივანი „დე ვალენი“ - ამსტერდამის ყველაზე დიდი და ყველაზე ცნობილი წითელი ფარნების რაიონი, იგი ქალაქის ერთ-ერთი უმნიშვნელოვანესი ღირსშესანიშნაობაა. „დე ვალენი“ ამსტერდამის ცენტრში მდებარეობს. აქ განლაგებულია თითქმის 300 ერთ ოთახიანი პატარა სახლი, მათ მეძავები ქირაობენ და მომსახურებას მსურველებს მინის ფანჯრების მიღმა სთავაზობენ, ოთახები წითლად არის განათებული. ამ რაიონში არის ეროტიკის მუზეუმი და მარეხუანას მუზეუმიც, ასევე შეხვდებით მრავალ სექს-შოფებსა და პორნო-თეატრებს. კვარტალი დე ვალენი, სინგელგებიდი და რაუსდალკადი წითელი ფარნების ხეივნის ყველაზე დიდ რაინს ქმნიან ამსტერდამში.

განლაგება

რაიონი დაახლოებით 6 500 კვადრატული მეტრის მქონე ფართობზეა განლაგებული, რომელიც ჩრდილოეთიდან ნიზელის ქუჩით სრულდება, აღმოსავლეთით დამბა ესაზღვრება, სამხრეთით სინტ-იანსტრატის ქუჩა, დასავლეთიდან კი ვარმუსტრატის ქუჩა.

მეძავები ამ ქუჩებით შემოსაზღვრულ მიდამოებში, შემდეგ ადგილებში მუშაობენ: ბარნდესტეგი, ბეტჰლეჰემსტეგი, ბლუდსტრატი, ბომსტეგი (ამ დროისათვის დახურულია), დოლებეჰეინენსტეგი, ენჰ კერკსტეგი, გოლდერჰერსტეგი, მოლენსტეგი და სხვა.

ისტორია

წითელი ფარნების ხეივანი მეთოთხმეტე საუკუნიდან არსებობს, აქ ადრე მრავალი საწარმო მუშაობდა, რომლებიც ალკოჰოლურ სასმელებს აწარმოებდნენ, რომლებსაც მეზღვაურებზე ყიდდნენ. ვალლენ- ანუ კედელი, დამბის კედლებს უკავშირდება.

ორგანიზაცია

ნიდერლანდებში პროსტიტუცია ლეგალურია. აღსანიშნავია, რომ ევროკავშირის წევრ ქვეყნებს შორის მხოლოდ ნიდერლანდებშია შესაძლებელი ამ საქმიანობით ლეგალურად დაკავება. კვლევის ფარგლებში, რომელიც 2006 წლამდე მიმდინარეობდა, დადგინდა, რომ ჰოლანდიის მეძავების 7 პროცენტი აივ ინფექციით არის დაავადებული. წითელი ფარნების ხეივანში სახლების მფლობელები ყოველთვის ითხოვენ სამედიცინო დასკვნებს ქალბატონებისგან.

ღირებულება

დე ვალენის რაიონში ქალბატონები დამოუკიდებლად მუშაობენ და ოთახებს კერძო მფლობელებისგან 8 საათის ხანგრძლივობით 100-150 ევროდ ქირაობენ. სექსუალური კონტაქტისას აუცილებელია თავის დაცვა. 20 წუთის განმავლობაში ინტიმური ურთიერთობა 50 ევრო ღირს. მომსახურებას სხვადასხვა ეროვნების ქალბატონები სთავაზობენ მსურველებს.

თუ ნიდერლანდებში მოგზაურობას გადაწყვეტთ, რა თქმა უნდა ამსტერდამიც უნდა მოინახულოთ და წითელი ფარნების ხეივნის მონახულებაზეც არ უნდა თქვათ უარი მხოლოდ იმიტომ, რომ რაიმე კომპლექსი ამის უფლებას არ გაძლევთ. დაივიწყეთ დოგმები, აქ ძალიან ბევრია სანახავი და სულაც არ არის აუცილებელი სექსუალური მომსახურების მიღება, უბრალოდ შეგიძლიათ გაეცნოთ მრავალსაუკუნოვან ტრადიციებს და სილამაზეს, რომელსაც წითელი ფარნების ხეივანი გთავაზობთ, საინტერესო შეგრძნებებით სავსე მოგზაურობას გისურვებთ!