ძლიერ მიწისძვრას იაპონიაში ნგრევა და მსხვერპლი მოჰყვა

მსოფლიო - 21:09, 14 Apr, 2016

5880

იაპონიის სამხრეთში კუნძულ კიუსიუზე ძლიერი მიწისძვრა დაფიქსირდა. მიწისქვეშა ბიძგების სიმძლავრე 6.4 მაგნიტუდას შეადგენდა. შემთხვევას ნგრევა და 3 ადამიანის მსხვერპლი მოჰყვა. დაშავებულია 100-ზე მეტი ადამიანი. მიწისძვრის ეპიცენტრი ქალაქ კუმამუტოდან 16 კილომეტრში დაფიქსირდა. მიწისძვრის გამო სარკინიგზო მოძრაობა შეჩერებულია. ამ დროისთვის 16 ათასამდე სახლი ელექტროენრგიის, ხოლო 38 ათასი ბუნებრივი აირის გარეშეა დარჩენილი. კუნძულზე მდებარე ატომური სადგურების კომპანიის განცხადებით, სადგურზე სენდაი და გენკაიზე მიმდინარეობს აპარატურის შემოწმება. მათი მუშაობა შეჩერებული იქნა ჯერ კიდევ ფუკუსიმას ატომურ სადგურზე მომხდარი ავარიის შემდეგ. იაპონიის პრემიერ-მინისტრთან შეიქმნა ექსტრემალური შტაბი.

იაპონიის მთავრობა აცხადებს, რომ ნანგრევებს შორის შესაძლოა ადმაიანები იყვნენ მოყოლილნი.

6.4 მაგნიტუდის სიძლიერის მიწისძვრის შედეგად ცუნამის საშიშროება არ არის.

პირველი მიწისძვრის სიმძლავრე 5.7 ბალი იყო, მეორე ბიძგები კი 40 წუთის შემდეგ მოხდა და გაცილებით ძლიერი 6.4 მაგნიტუდა შეადგინა.

2011 წელს მომხდარი მიწისძვრის სიმძლავრე 9 ბალი გახლდათ, რამაც ცუნამი გამოიწვია. რის შედეგადაც დაიღუპა და დღემდე დაკარგულად ითვლება 18 ათასი ადამიანი. სწორედ ამ მიწისძვრამ გამოიწვია ფუკუშიმას ატომური სადგურის ნგრევა.