სლოვაკეთის პრემიერ-მინისტრი, რობერტ ფიცო ჰოსპიტალიზებულია. ამის შესახებ „ბიბისი“ პრემიერის პრესსპიკერზე ბეატრის შაბოვაზე დაყრდნობით იტყობინება. პრემიერის წარმომადგენლის თქმით, ფიცო არაგეგმიური შემოწმებით გულის კლინიკაშია გადაყვანილი. შაბოვას არ დაუკონკრეტებია, კონკრეტულად რა გახდა პრემიერის ჰოსპიტალიზაციის მიზეზი. თუმცა, მედიაში გავრცელებული ცნობით, მას გულის შეტევა აქვს.

მანამდე კი ცნობილი გახდა, რომ პრემიერმა ჩეხეთის რესპუბლიკაში ვიზიტი ავადმყოფობის გამო გააუქმა. შაბოვას თქმით, პრაღაში ვიზიტის თარიღი უახლოეს დღეებში გახდება ცნობილი.