ნიგერიაში, კამერუნში, ნიგერსა და ჩადიში „ბოკო ჰარამის“ ყოველ მეხუთე ტერაქტს ბავშვი ახორციელებს.

„დოიჩე ველეს“ ცნობით, ამის შსახებ UNICEF-ის ანგარიშშია საუბარი,

ანგარიშის თანახმად, ბავშვების რაოდენობა, რომელსაც „ბოკო ჰარამი“ თვითმკვლელებად იყენებს ერთ წელიდადში 10-ჯერ გაიზარდა, მათგან სამი მეოთხედი გოგონაა.

2014 წლის იანვრიდან 2016 წლის თებერვლამდე , „ბოკო ჰარამმა“ ბავშვების მონაწილეობით ნიგერიაში 17 თავდასხმა მოაწყო, კამერუნში - 21, ჩადიში - 2. ანგარიშის მიხედვით, ტერაქტების განხორციელებისას ბავშვები ნარკოტიკული ნივთიერებების ზემოქმედების ქვეშ იმყოფებიან.

გასული წლის მარტში, დაჯგუფებამ "ისლამური სახელმწიფოს" ერთგულებაზე დაიფიცა. აღსანიშნავია, რომ "ბოკო ჰარამის" ტერორისტები თავდასხმებს ნიგერიის, ჩადისა და ნიგერის ტერიტორიაზე ახორციელებენ. ისლამისტები ცდილობენ აღნიშნულ სახელმწიფოთა ტერიტორიების ხარჯზე საკუთარი სახელმწიფო ჩამოაყალიბონ.