ნადეჟდა სავჩენკო შესაძლოა, საავადმყოფოში გადაიყვანონ

მსოფლიო - 12:10, 12 Apr, 2016

2266

რუსეთის პატიმრობაში მყოფი , უკრაინელი მფრინავი ნადეჟდა სავჩენკო შესაძლოა, საავადმყოფოში გადაიყვანონ. ამის შესახებ ინფორმაციას მისი ადვოკატი მარკ ფეიგინი ავრცელებს. მისი თქმით, სავჩენკოს ჯანმრთელობის მდგომარეობა მკვეთრად გაუარესდა.ფეიგინის განცხადებით, სავჩენკოს ჰოსპიტალიზაცია შესაძლოა, 15 აპრილს მოხდეს. ადვოკატის ინფორმაციით, სავჩენკოს ანალიზი თრომბის წარმოქმნის საფრთხეზე მიუთითებს.

თავად სავჩენკო ჰოსპიტალიზაციაზე ჯერჯერობით უარს აცხადებს.

შეგახსენებთ, რუსეთის ქალაქ დონეცკის სასამართლომ ნადეჟდა სავჩენკო, რუსი ჟურნალისტების მკვლელობაში დამნაშავედ ცნო და მას 22 წლით თავისუფლების აღკვეთა მიუსაჯა.

სავჩენკოს ბრალად ედება იმ რუსი ჟურნალისტების მკვლელობა, რომლებიც უკრაინაში, ლუგანსკის ოლქში 2014 წლის ივნისში დაიღუპნენ. სავჩენკო ამ დრომდე ყველა ბრალდებას უარყოფს. მისი თქმით, ის რუსმა სეპარატისტებმა ჟურნალისტების დაღუპვამდე ტყვედ აიყვანეს და რუსულ მხარეს გადასცეს.

სავჩენკოს, უკრაინაში დაბრუნების მოთხოვნით მშრალი შიმშილობა აქვს გამოცხადებული.

ცნობილია პეტრო პოროშენკოს პოზიციაც : ის მზადაა ნადეჟდა სავჩენკო ორ რუს სამხედრო მოსამსახურეზე, ალექსანდროვსა და ეროფეევზე გაცვალოს.