"სომხეთისა და აზერბაიჯანისთვის იარაღის მიწოდება გარდაუვალია"

"სომხეთისა და აზერბაიჯანისთვის იარაღის მიწოდება გარდაუვალია" - დიმიტრი მედვედევი

მსოფლიო - 15:14, 09 Apr, 2016

3921

რუსეთის პრემიერ-მინისტრის , დიმიტრი მედვედევის განცხადებით, სომხეთისა და აზერბაიჯანისთვის იარაღის მიწოდება გარდაუვალია. მისი თქმით, თუკი რუსეთი იარაღის მიწოდებას შეწყვეტს, მას სხვა ქვეყანა ჩაანაცვლებს.

„ერთი წუთით თუ წარმოვიდგენთ, რომ რუსეთი ამ როლზე უარი თქვა, კარგად ვიცით - ეს ადგილი ცარიელი არ დარჩება. ირაღის შესყიდვა სხვა ქვეყნებიდან დაიწყება“ - განაცხადა მედვედევმა "Россия 1“-თან ინტერვიუში.

მისი თქმით, დარწმუნებული არ არის, რომ ბაზარზე სხვა მოთამაშის შესვლა ვითარებას განმუხტავს.

ხელშეკრულებების თანახმად, იარაღის მიწოდების გაგრძელებაზე ისაუბრა, რუსეთის ვიცე-პრემიერმა დიმიტრი როგონიზმაც. მისი თქმით, პროცესი ხელშეკრულების შესაბამისად გაგრძელდება.

აზერბაიჯანი რუსული იარაღის მთავარი იმპორტიორია. 2010-2014 წლებშიბაქომ მოსკოვთან რამდნეიმე კონტრაქტი გააფორმა სხვადასხვა სახის შეიარაღების შესყიდვასთან დაკავშირებით, რომელთა საერთო ღირებულებამ დაახლოებით 4 მილიარდი დოლარი შეადგინა.

სომხეთმა კი რუსული მძიმე შეიარაღება, მხოლოდ 2013 წელს 16 მილიონ დოლარად შეიძინა.