ნატო-ს გენერალური მდივანი ვაშინგტონში ოფიცილური ვიზიტისას სიტყვით გამოვიდა. იენს სტოლტენბერგის გამოსვლის მთავარი თემა რუსეთი იყო. ნატო-ს გენერალური მდივანი აცხადებს, რომ ოფიციალური მოსკოვი სამხედრო სფეროში ინვესტიციებს ზრდის და მზადაა საკუთარი შესაძლებლობები მეზობელი ქვეყნების დასაშინებლად გამოიყენოს.

„უკრაინაში აგრესიულ ქმედებებზე პასუხისმგებელი ქვეყანა არა მხოლოდ სამხედრო ძალის გამოსაყენებლად და სამხედრო შესაძლებლობებში ინვესტირებისთვის, არამედ ამ საშუალების გამოსაყენებლად მზადაა, რომ დააშინოს მეზობლები, შეცვალოს საზღვრები ევროპაში, მოახდინოს ყირიმის ანექსია, აღმოსავლეთ უკრაინის დესტაბილიზაცია და ჰყავდეს ჯარები საქართველოსა და მოლდოვაში. ეს არის ჩვენი დიდი წუხილის მიზეზი და ამიტომ ვპასუხობთ, როდესაც ვამბობთ, რომ ჩვენ ვგულისხმობთ შეერთებულ შტატებს და ევროპას ერთად“, - განაცხადა სტოლტენბერგმა.

იენს სტოლტენბერგის განცხადებით ყირიმის ანექსიის შემდეგ ალიანსს რუსეთთან ყოველგვარი თანამშრომლობა შეწყვეტილი აქვს. თუმცა, პოლიტიკურ კომუნიკაციას აგრძელებს, მაგრამ ეს დასავლეთის სისუსტეს არ ნიშნავს.

სტოლტენბერგს დღეს დაუსვეს კითხვა იმასთან დაკავშირებით, თუ რა როლი აქვს რუსეთს სირიაში. რაზეც მან უპასუხა, რომ რუსეთის როლი სირიაში ასადის დაცვაა და მიუხედავად გარკვეული შემცირებებისა, რუსეთი სირიაში სამხედრო ძალებს კვლავ ინარჩუნებს.