ყარაბაღთან დაკავშირებით სომხეთი მზადაა კომპრომისზე წავიდეს

ყარაბაღთან დაკავშირებით სომხეთი მზადაა კომპრომისზე წავიდეს - სერჟ სარქსიანი

მსოფლიო - 18:35, 04 Apr, 2016

4493

სომხეთის პრეზიდენტის სერჟ საქრსიანის განცხადებით, სომხეთი ცეცხლის შესაწყვეტად მზად არის, თუმცა საკუთარ პირობებს აყენებს.

"სომხეთი საბრძოლო მოქმედებების შეწყვეტასა და 1994 წელს მიღწეულ ცეცხლის შეწყვეტის რეჟიმის აღდგენასა და სამხედრო დანაყოფების 2016 წლის 1 აპრილის მდგომარეობით არსებულ პოზიციებზე დაბრუნებას უჭერს მხარს“ - განაცხადა სარქსიანმა ერევანში ეუთო-ს ქვეყნების ელჩებთან შეხვედრისას.

მისივე თქმით, ყარაბაღში სიტუაციის მოსაგვარებლად, აუცილებელია გამოძიება და ეუთოს მონიტორინგის გაფართოება.

„ეუთომ უნდა აუხსნა აზერბაიჯანს,რომ პატივი სცეს ცეცხლის შეწყვეტის შესახებ 1994 წელს მიღწეულ შეთანხმებას, რომელსაც ბაქო არღვევს“ - დასძინა საქრსიანმა.

შეგახსენებთ, კონფლიქტის ზონაში ვითარება 2 აპრილს დაიძაბა. აზერბაიჯანი და სომხეთი ცეცხლის გახსნაში ერთმანეთს ადანაშაულებს.

გაერო-ს ჰუმანიტრაული საკითხების კოორდინაციის სამმართველოს მიერ გაგვრცელებული ცნობით, მთიან ყარაბაღში შეიარაღებული დაპირისპირების შედეგად დაიღუპა 33 და დაშავდა 200-ზე მეტი ადამიანი. დაღუპულთანაგ 3 მშვიდობიანი მოსახლეა.