ევროკავშირის უმაღლესი კომისარი ფედერიკა მოგერინი შეშფოთებას გამოთქვამს მთიან ყარაბაღში მიმდინარე მოვლენების გამო და მოუწოდებს სომხეთსა და აზერბაიჯანს დაუყოვნებლივ შეწყვიტონ ცეცხლი

„არსებული დაპირისპირება ღრმა შეშფოთებას იწვევს. მე მოვუწოდებ ორივე ქვეყანას დაუყოვნებლივ შეწყვიტონ საბრძოლო მოქმედებები და შეინაჩუნონ მშვიდობა. მხარეებმა უნდა გამოიჩინონ თავშეკავება და უარი თქვან საბრძოლო მოქმედებებზე, რამაც შესაძლოა ვითარების ესკალაცია გამოიწვიოს“, - ნათქვამია მოგერინის განცხადებაში.

მისივე თქმით, ევროკავშირი მწუხარებას გამოთქვამს დაღუპულთა გამო, განსაკუთრებით კი მშვიდობიანი მოქალაქეების გამო:

„ევროკავშირი მხარს უჭერს ეუთოს ფარგლებში მინსკის ჯგუფის მიერ მიღებულ გადაწყვეტილებას. ჩვენ ვიმედოვნებთ, რომ ორივე მხარე მკაცრად დაიცავს ცეცხლის შეწყვეტის შესახებ გადაწყვეტილებას, უარს იტყვიან სამხედრო ძალების გამოყენებაზე და ძალისხმევას არ დაიშურებენ კონფლიქტის მშვიდობიანი მეთოდით მოგვარებისთვის“, - აცხადებს მოგერინი.