მსოფლიო ბაზარზე ნავთობის ფასი 39 დოლარს ქვემოთ დაეცა. ეს ფაქტი საუდის არაბეთის განცხადებამ გამოიწვია, რომლის თანახმადაც ქვეყანა არ აპირებს ნავთობის მოპოვების შემცირებას, თუ ამას არ გააკეთებს ირანი და სხვა მსხვილი ნავთობმომპოვებელი ქვეყნები.

ნავთობის ფასის დაცემამ, როგორც ყოველთვის რუსული რუბლის გაუფასურება გამოიწვია. დოლარის ფასი 68,359 რუბლამდე ავარდა, ხოლო ევრო - 77,935 რუბლამდე.

ანალიტიკოსები აცხადებენ, რომ საუდის არაბეთის ეს განცხადება იმ ფაქტმა გამოიწვია, რომ მან უკვე დაკარგა მსოფლიო ბაზარზე თავისი წილის გარკვეული ნაწილი.