ნიგერიელი ბიჭი, რომელიც "კუდიანობის" გამო ოჯახმა სასიკვდილოდ გაიმეტა, გამოჯანმრთელდა (ფოტოკოლაჟი)

ეს საინტერესოა - 16:29, 01 Apr, 2016

14245

ნიგერიელი ბიჭუნა, რომელიც "კუდიანობის" გამო სიკვდილს ებრძობდა, გამოჯანმრთელდა და აქტიურ ცხოვრებას დაუბრუნდა. ამის შესახებ სოციალურ ქსელში გამოქვეყნებული ახალი ფოტოები მეტყველებს. რამდენიმე თვის წინ 2 წლის ნიგერიელი ბიჭის ისტორიამ მსოფლიო შეძრა. "აფრიკელი ბავშვების სამედიცინო განათლების და განვითარების ფონდის" დამაარსებელმა, დანიელმა ანია რინგერენმა ნიგერიის ერთ-ერთ სოფელში, სასიკვდილოდ განწირული ბიჭი იპოვა. როგორც გაირკვა, ოჯახმა მასზე უარი მხოლოდ იმიტომ თქვა , რომ ჩათვალა, ბიჭუნა კუდიანი იყო. ბავშვი რვა თვის მანძილზე გამვლელების გადაგდებული ნარჩენებით იკვებებოდა.ბიჭუნა შიმშილისგან ძალიან გახდა, მისი სხეული სხვადასხვა მღრღნელებისა და მწერებისგან იყო დაკბენილი. ლოვენმა ბიჭს წყალი დაალევინა, შემდეგ კი, პლედში გაახვია და უახლოეს საავადმყოფოში წაიყვანა. ბიჭუნა გადარჩა, მას ჰოუფი (იმედი) დაარქვეს. ლოვენმა გუშინ გამოჯანმრთელებული ჰოუფის ფოტოები სოციალურ ქსელში გამოაქვეყნა."ის კარგად არის და ცხოვრებით ტკბება" - წერს ლოვენი.

ანია ლოვენი "აფრიკელი ბავშვების სამედიცინო განათლების და განვითარების ფონდის" დამაარსებელია. რომელიც იმ ბავშვებს ეხმარება რომლებსაც კუდიანს უწოდებენ და სახლიდან აგდებენ, ხშირად კი კლავენ კიდეც. ასეთი შემთხვევები ნიგერიაში, სამწუხაროდ ხშირია.