2 მასწავლებელი, 7 მოსწავლე და მანდატური, რეფერალურ საავადმყოფოში, მწვავე ინტოქსიკაციით გადაიყვანეს.

სასწავლო პროცესი სკოლაში 8 აპრილს განახლდა და დღემ ჩვეულებრივად ჩაიარა, თუმცა საღამოს, ზემოთაღნიშნულ პირებს სწორედ ის სიმპტომები აღენიშნებოდათ, როგორც წინა დღეებში, სკოლიდან საავადმყოფოში გადაყვანილ პაციენტებს.

შეგახსენებთ, რომ დღემდე დაუდგენელი მიზეზით ამ სკოლაში 24 მოსწავლე მოიწამლა და მათი უმრავლესობა, მწვავე ინტოქსიკაციის გამო, საავადმყოფოში გადაიყვანეს, რის შემდეგაც სწავლის პროცესი შეწყდა.

სკოლის შენობაში ჩატარებული სადეზინფექციო სამუშაოების შემდეგ ადმინისტრაციამ სასწავლო პროცესის განახლების გადაწყვეტილება მიიღო, თუმცა პირველივე დღეს (8 აპრილს) 10 ადამიანი მოიწამლა.