ექსპერტების განცხადებით, რუსეთის ეკონომიკა კრიზისიდან მინიმუმ 2020 წლამდე ვერ გამოვა.

ექსპერტებმა ორი სცენარი განიხილეს. პირველი სცენარით, 2020 წლამდე, ნავთობზე ფასი 35 დოლარზე დაბლა არ უნდა ჩამოვიდეს. ამ შემთხვევაში მშპ შემცირდება 8,1%-მდე და ეკონომიკა 1,6%-ით შემცირდება.

მეორე სცენარით, ნავთობის ფასი 45 დოლარამდე უნდა გაიზარდოს, ხოლო 2018-20 წლებში 50-მდე.

მეორე სცენარით, ეკონომიკა შემცირდება 0,6%-ით.

ორივე სცენარის განხორციელების შემთხვევაში აუცილებელი იქნება საბიუჯეტო ხარჯების 22 ან 30 %-ით შემცირება. ასევე, უნდა შემცირდეს ან გაუქმდეს სოციალური დახმარებები, განსაკუთრებით უფასო მომსახურებები მოსახლეობის გარკვეული კატეგორიებისთვის.

ექსპერტების მოსაზრებით, ეს ძალიან შეამცირებს ხელისუფლებისადმი მოსახლეობის ლოიალურობას, მიუხედავად აქტიური პროპაგანდისა, რასაც კრემლი დღესაც ახორციელებს.