სასამართლომ ეგვიპტური თვითმფრინავის გამტაცებელს წინასწარი 8-დღიანი პატიმრობა შეუფარდა

მსოფლიო - 13:34, 30 Mar, 2016

1884

კვიპროსის სასამართლომ ეგვიპტური თვითმფრინავის გამტაცებელს სეიფ ელდინ მუსტაფას წინასწარი 8-დღიანი პატიმრობა შეუფარდა. მამაკაცისთვის ბრალი ოფიციალურად ჯერ არ წაუყენებიათ. მას თვითმფრინავისა და ადამიანების გატაცებაში, ასევე მუქარაში ადანაშაულებენ.

შეგახსენებთ, ალექსანდრიიდან კაიროში მიმავალი თვითმფრინავი, რომლის ბორტზეც 55 მგზავრი და ეკიპაჟის 7 წევრი იმყოფებოდა, მუსტაფამ გუშინ გაიტაცა და მფრინავებს ლაინერის კვიპროში, ლარნაკის ეროპორტში დასმა აიძულა. აეროპორტში დაშვებისთანავე გამტაცებელმა მგზავრთა უმრავლესობა გაათავისუფლა. რამდენიმეწუთიანი ინტერვალით კი დანარჩენი მგზავრებიც გაუშვა. გამტაცებელი, ყოფილ მეუღესთან შეხვედრას ითხოვდა, რომელიც კვიპროსთან ცხორვობდა. მოგვიანებით, მოთხოვნა შეცვალა, ჯერ ეგვიპტეში ქალი პატიმრების გათავისუფლება, შემდეგ კი მსოფლიო ლიდერებთან შეხვედრა მოითხოვა.

რამდენიმე საათიანი მოლაპარაკებების შემდეგ, სეიფ ელდინ მუსტაფა თვითმფრინავიდან ხელებაწეული გამოვიდა და სამართალდამცველებს ჩაბარდა. როგორც აღმოჩნდა მას ყალბი ე.წ. "შაჰიდის ქამარი" ეკეთა.

კვიპროსის საგარეო საქმეთა სამინისტროს განცხადებით, მამაკაცს სავარადოდ ფსიქიკური პრობლემები აქვს.