ეგვიპტური სამგზავრო თვითმფრინავის გამტაცებლის ვინაობა დაზუსტებულია

მსოფლიო - 15:10, 29 Mar, 2016

1671

ეგვიპტური სამგზავრო თვითმფრინავის გამტაცებლის ვინაობა დაზუსტებულია. „ტელეგრაფის“ ცნობით, ცოტა ხნით ადრე გავრცელებული ინფორმაცია, იმის შესახებ, რომ გამტაცებელი იბრაჰიმ სამაჰაა, მცდარი აღმოჩნდა. სამაჰა ბორტზე მყოფი ერთ-ერთი მგზავრია.

გამტაცებელი კი ის ეგვიპტელი საიფ ელ დინ მუსტაფაა. ამ წუთებში თვითმფრინავის ბორტზე, გამტაცებელთან ერთად რჩება 4 მგზავრი და ეკიპაჟის 3 წევრი.

როგორც „ტელეგრაფი“ წერს, გატაცება არა ტერორიზმის, არამედ პირადი მოტივებით მოხდა. მამაკაცი ყოფილ მეუღლესთან შეხვედრას ითხოვს. მისი ექს-მეუღლე კვიპროსთან ახლოს ცხოვრობს, სწორედ კვიპროსში უბრძანა გამტაცებელმა მფრინავებს თვითმფრინავის ჩაყვანა.

მედიაში გავრცელებული ცნობით, აეროპორტში უკვე მივიდა ქალი, ბავშვთან ერთად. ქალი, სავარაუდოდ გამტაცებლის ყოფილი მეუღლეა.

შეგახსენებთ, გატაცებული ლაინერი, რომელიც ალექსანდრია-კაიროს რეისს ასრულებდა, დღეს დილით წინ კვიპროსზე, ლარნაკას საერთაშორისო აეროპორტში დაჯდა. თვითმფრინავი ავიაკომპანია EgyptAir-ს ეკუთვნის. თვითმფრინავის გატაცების შესახებ მაშინ გახდა ცნობილი, როდესაც ალექსანდრიიდან აფრინდა. თვითმფრინავის ბორტზე 81 მგზავრი და ეკიპაჟის 7 წევრი იმყოფებოდა. სამაჰამ მალევე გაათავისუფლა ქალები და ბავშვები, მოგვიანებით კი დანარჩენი მგზავრებიც.