ეგვიპტური სამგზავრო თვითმფრინავის გამტაცებელმა თითქმის ყველა მგზავრი გაათავისუფლა

მსოფლიო - 12:57, 29 Mar, 2016

1764

ეგვიპტური სამგზავრო თვითმფრინავის გამტაცებელმა, იბრაჰიმ სამაჰამ თითქმის ყველა მგზავრი გაათავისუფლა. როგორც გამოცემა „ტელეგრაფი“ იტყობინება, ლაინერი კიდევ 5-მა ადამიანმა დატოვა. ისინი სავარაუდოდ ეკიპაჟის წევრები არიან, რადგან თვითმფრინავის დატოვებისას შენიშნეს, რომ უნიფორმები ეცვათ.

სავარაუდოდ, გამტაცებელთან ერთად ლაინერზე 3 მგზავრი და ეკიპაჟის 2 წევრია დარჩენილია.

შეგახსენებთ, გატაცებული ლაინერი, რომელიც ალექსანდრია-კაიროს რეისს ასრულებდა, ცოტა ხნის წინ კვიპროსზე, ლარნაკას საერთაშორისო აეროპორტში დაჯდა. თვითმფრინავი ავიაკომპანია EgyptAir-ს ეკუთვნის. თვითმფრინავის გატაცების შესახებ მაშინ გახდა ცნობილი, როდესაც ალექსანდრიიდან აფრინდა. თვითმფრინავის ბორტზე 81 მგზავრი და ეკიპაჟის 7 წევრი იმყოფებოდა. სამაჰამ მალევე გაათავისუფლა ქალები და ბავშვები, მოგვიანებით კი დანარჩენი მგზავრებიც.

როგორც „ტელეგრაფი“ წერს, გატაცება არა ტერორიზმის, არამედ პირადი მოტივებით მოხდა. ატლანტას უნივერსიტეტის სამედიცინო ფაკულტეტის სტუდენტი ყოფილ მეუღლესთან შეხვედრას ითხოვს. მისი ექს-მეუღლე სწორედ კვიპროსში ცხოვრობს, სადაც გამტაცებელმა მფრინავებს თვითმფრინავის ჩაყვანა უბრძან.
ადგილობრივი პრესა წერს, რომ ლარნაკას აეროპორტში მალე გამტაცებლის ექს-მეუღლეს ჩაიყვანენ.

კვიპროსის ხელისუფლების ინფორმაციით, თვითმფრინავის ბორტზე ასაფეთქებელი მოწყობილობა არ არის.