ამერიკის შეერთებულ შტატებში კაპიტოლიუმის ევაკუაცია მოხდა. ვიზიტორებისთვის განკუთვნილ ტერიტორიაზე შეიარაღებული მამაკაცი შეიჭრა. მან უსაფრთხოების სამსახურის თანამშრომლის მისამართით ცეცხლის გახსნა სცადა.

სპეცოპერაციის დროს თავმდამსხმელი დაიჭრა. სამართალდამცავებმა მისი ვინაობის დადგენა შეძლეს.

დამნაშავე 66 წლის ლარი ლასერ დოუსონი იყო. იგი ტენესში ცხოვრობდა. დოუსონი საავადმყოფოში გადაიყვანეს და მას ოპერაცია ჩაუტარდა.

გავრცელებული ინფორმაციის თანახმად, უმნიშვნელო დაზიანება კაპიტოლიუმის ვიზიტორმა კიდევ ერთმა მოქალაქემ მიიღო.

ინციდენტის შემდეგ, დაახლოებით ერთი საათის განმავლობაში კაპიტოლიუმთან, სენატისა და კონგრესის შენობებთან მისასვლელი ყველა გზები გადაკეტილი იყო.

ამერიკის შეერთებულ შტატებში უსაფრთხოების ზომები განსაკუთრებით გამკაცრებულია.