ბანკის მარჯანიშვილის ქუჩაზე მდებარე ყოფილი სერვისცენტრი 2011 წლის ივნისში ქუჩაზე მიმდინარე სარეაბილიტაციო სამუშაოების გამო დაიხურა, დღეიდან ბანკ რესპუბლიკას კლიენტებს მათი სერვისებით სარგებლობა, ახალ მისამართზე შეეძლებათ.სერვისცენტრის გახსნისას, ბანკი რესპუბლიკას გენერალურმა დირექტორმა კრისტიან კარმანიოლიმ ბანკის კლიენტებთან ურთიერთობის ახალ მიდგომებზე ისაუბრა:“ჩვენ მუდმივად ვცდილობთ რომ გავაუმჯობესოთ ჩვენი ფილიალების ქსელი, არა მხლოდ იმით რომ დავამატოთ ახალი ფილიალები, არამედ იმითაც რომ გავაუმჯობესოთ ჩვენი მომსახურების ხარისხი. ამ ფილიალში ჩვენი მომხმარებლებისთვის იქნება სიახლე. ჩვენ გვექნება ახლებური მიდგომა მომსახურების, კერძოდ ის რომ ჩვენი პერსონალი კონცენტრირებული იქნება კლიენტთან განსაკუთრებული ახლო ურთიერთობის დამყარებითა და შემდგომში ამ ურთიერთობის შენარჩუნებით.” განაცხადა კრისტიან კარმანიოლიმ.ბანკი რესპუბლიკა საკუთარ კლიენტებს, ასევე ახალ საშემოდგომო აქციას სთავაზობს. სამომხმარებლო სესხები ლარში 13,95% -ად. ბანკის კომერციული დირექტორის რამაზ კუკულაძის განცხადებით, სამომხმარებლო სესხზე საპროცენტო განაკვეთის დაწევა არ უკავშირდება პოლიტიკურ განცხადებებს. მისი თქმით საბანკო მომსახურებაზე ფასს ბაზარი არეგულირებს. მათ მიერ ბანკის კლიენტებისთვის შეთავაზებული ახალი საპროცენტო განაკვეთი სამომხმარებლო სესხზე ლარში, აქციის ფარგლებში შემოდგომის ბოლომდე შენარჩუნდება. შემდგომში ისინი ბაზრის მოთხოვნილებების შესაბამისად შესთავაზებენ ახალ სერვისებს საკუთარ მომხმარებლებს.
საშემოდგომო აქციის ფარგლებში გაერთიანებულია სამი სხვადასხვა ტიპის სესხი: სესხი ექსპრესო, სესხი კომფორტი და სახელფასო სესხი. მომხმარებელს საშუალება ექნება ისარგებლოს 24 თვემდე არსებულ სესხებზე ლარში 13.95% -იანი ხოლო 36 თვემდე სესხის შემთხვევაში 14.95%-იანი საპროცენტო განაკვეთით. სესხის მაქსიმალური ოდენობა უზრუნველყოფის გარეშე განისაზღვრება 30 000 ლარისა და უზრუნველყოფილი სესხის შემთხვევაში 50 000 ლარის ოდენობით. ბანკ რესპუბლიკაში აქცია სამომხმარებლო სესხზე შემოდგომის ბოლომდე გაგრძელდება.