ბელგიის ქალაქ შალრერუაში მდებარე ატომური ელექტროსადგურის "ტიანჟის" უშიშროების თანმამშრომელი მოკლულია. ამის შესახებ ბელგიური გაზეთი Derniere Heure წერს. იგი ხუთშაბათს, საღამოს, ძაღლთან ერთად სეირნობისას მოკლეს, ხოლო მისი საშვი მოიპარეს. ბელგიელმა სამართალდამცავების განცხადებით, ეს მკვლელობა არ არის ტერორისტული მიზნებით მოწყობილი, და მას ამ ადამიანის ძარცვას უკავშირებენ. თუმცა, მისი პირადი საშვის დეაქტივაცია დაუყოვნებლივ განხორციელდა.

შეგახსენებთ, რომ ატომური ელექტროსადგური "ტიანჟი" ერთერთი ობიექტია, რომლის თანამშრომელთა ევაკუაცია დაუყოვნებლივ განხორციელდა ბრიუსელის ტერაქტების შემდეგ.

ვრცელდება ცნობები, რომ ტერორისტების შეტევის მიზანი სწორედ ეს ელსადგური იყო, თუმცა, 21 მარტს, ტერაქტებამდე ერთი დღით ადრე, ელსადგურზე დაცვა გააძლიერეს, ხოლო სალაჰ აბდესლამისა და სხვა თანამებრძოლების დაკავების შემდეგ სამმა ეჭვმიტანილმა ტერორისტმა გეგმა შეცვალა და აფეთქებები აეროპორტსა და მეტროში მოაწყო.

აღსანიშნავია ისიც, რომ 2015 წლის ბოლოს სათვალთვალო კამერამ ატომურ ელექტროსადგურთან რამდენიმე საეჭვო პირი დააფიქსირა.

ესპერტები ასევე ვარაუდობენ, რომ შესაძლოა უშიშროების თანამშრომლის მკვლელობა მიზნად ისახავდა არა მორიგი ტერაქტის განხორციელებას, არამედ ბირთვული მასალების მოპარვას.

აღსანიშნავია, რომ ბელგიის პროკურატურის ოფიციალური პირები ჯერჯერობით კომენტარს არ აკეთებენ და აცხადებენ, რომ ეს გამოძების ინტერესებს ეწინააღმდგება.