რუსული მხარე ნადეჟდა სავჩენკოს გაცვლას თეორიულად არ გამორიცხავს

მსოფლიო - 09:59, 26 Mar, 2016

1451

რუსეთის პრეზიდენტის ადმინისტრაციის ხელმძღვანელი სერგეი ივანოვმა არ გამორიცხა რომ მფრინავი ნადეჟდა სავჩენკო რუსეთის ორ მოქალაქეზე გაიცვალოს.
მისი თქმით, ამ რუს მოქალაქეებს უკრაინაში ტერორიზმის ბრალდებით ასამართლებენ.
"ბი-ბი-სის" კითხვაზე ივანოვმა განაცხადა, რომ თეორიულად ასეთი შესაძლებლობა არსებობს, თუმცა მან იქვე ორი პირობა წამოაყენა.
"პირველყოვლისა, მთლიანად უნდა იყოს დაცული რუსეთის კანონმდებლობა და მეორე - გაცვლის შესახებ გადაწყვეტილება პრეზიდენტმა უნდა მიიღოს"- თქვა მან.
ამასთანავე, ივანოვმა გამორიცხა სავჩენკოს გაცვლა მინსკის შეთანხმებების ფარგლებში, რომელიც კონფლიქტის მხარეებს შორის ყველა სამხედრო ტყვის გაცვლას გულისხმობს.

რუსეთის ქალაქ დონეცკის სასამართლომ ნადეჟდა სავჩენკო, რუსი ჟურნალისტების მკვლელობაში დამნაშავედ ცნო და მას 22 წლით თავისუფლების აღკვეთა მიუსაჯა.

შეგახსენებთ, სავჩენკოს ბრალად ედება იმ რუსი ჟურნალისტების მკვლელობა, რომლებიც უკრაინის ლუგანსკის ოლქში 2014 წლის ივნისში დაიღუპნენ. სავჩენკო ამ დრომდე ყველა ბრალდებას უარყოფს. მისი თქმით, ის რუსმა სეპარატისტებმა ჟურნალისტების დაღუპვამდე ტყვედ აიყვანეს და რუსულ მხარეს გადასცეს.

ცნობილია პეტრო პოროშენკოს პოზიციაც : ის მზადაა ნადეჟდა სავჩენკო ორ რუს სამხედრო მოსამსახურეზე, ალექსანდროვსა და ეროფეევზე გაცვალოს.