ორმა სირიელმა ქალმა ფარული კამერები გამოიყენეს იმისთვის, რომ შეექმნათ პატარა ფილმი ე.წ“ ისლამური სახელმწიფოს“ დედაქალაქის რაქას ყოველდღიური ცხოვრების შესახებ და აესახათ ის რეალობა, რომელშიც ეს რეგიონი ცხოვრობს .

ორმა ქალმა ფსევდონიმებით უმ მოჰამედმა და უმ ომრანმა ამ კადრების გადაღება საკუთარი სიცოცხლის რისკის ფასად შეძლეს. იმ შემთხვევაში თუ მათი ქმედება გამჟღავნდებოდა მათ ჩაქოლვა ელოდათ.

კადრებში, რომლის გადაღებაც რამდენიმე კვირის განმავლობაში მიმდინარეობდა, ჩანს როგორ პატრულირებენ ქუჩებში შეიარაღებული ადამიანები.

„ჩვენ გვინდა, რომ მსოფლიომ ამის შესახებ შეიტყოს“- აცხადებენ ქალები და იმ საშინელი დასჯის მეთოდებზე ყვებიან , რომელსაც ISIS-ის მებრძოლები იყენებენ. „ისინი ცხრილავენ ადამიანს, შემდეგ თავს აჭრიან შუბზე აცვამენ და გზაჯვარედინზე ყველას დასანახად კიდებენ. სხეულს კი სამანქანო გზაზე აგდებენ და მას იმდენჯერ უვლის მანქანა სანამ მისგან აღარაფერი აღარ დარჩება“- აცხადებენ ქალები.

აღსანიშნავია, რომ კადრებში ჩანს მაღაზიაც, სადაც ქალის თმის საღებავის ყუთზე ქალის სახე წაშლილია, იმის გამო რომ საზოგადოებრივი თავშეყრის ადგილზე ქალის სახის გამოჩენა აკრძალულია.

რაქას უბანი სადაც გადაღება მიმდინარეობს, ადრე მდიდარი დასახლება იყო, ახლა კი სხვადასხვა ეროვნების ტერორისტის თავშეყრის ადგილად იქცა.