ბიჭი 3 სიცოცხლით - პარიზისა და ბოსტონის ტერაქტებს გადარჩენილი ბიჭი, ბრიუსელის ტერაქტისას დაშავდა

მსოფლიო - 16:50, 23 Mar, 2016

10896

ბრიუსელის ტრაგედია უესლების ოჯახისთვის მესამე შემზარავი ფაქტი აღმოჩნდა. განსაკუთრებით კი ოჯახის უმცროსი წევრის - მეისონისთვის, რომელიც ბოსტონისა და პარიზის ტერაქტებს გადაურჩა, გუშინ კი, ბრიუსელის აეროპორტში მომხდარი ტერაქტისას დაშავდა.

აშშ-ში, იუტას შტატში მცხოვრები, 19 წლის მეისონ უელსი, გუშინ, ტერაქტის დროს ბრიუსელის აეროპორტში იმყოფებოდა. ბიჭმა მრავალობითი ჭრილობები და დამწვრობა მიიღო, თუმცა, საბედნიეროდ გადარჩა.

როგორც აღმოჩნდა, მეისონი მისი ცხოვრების მანძილზე, მესამე ტერაქტს გადაურჩა.
უელსის მამის განცხადებით, მთელი ოჯახი , 2013 წელს ბოსტონის ტერაქტს სასწაულებრივად გადაურჩა. ისინი, მარათონს ესწრებოდნენ და ტერაქტის ადგილიდან მხოლოდ ერთი სახლის მოშორებით იდგნენ. 2015 წელს კი მეისონი პარიზში მშობლების გარშე იმყოფებოდა. მისი პარიზში ყოფნა, სისხლიანი ნოემბრის ტერაქტს დაემთხვა. ამჯერად, თავდასხმების ეპიცენტრში არ ყოფილა, გაუმართლა და ქალაქიდან 2 საათის სავალზე იმყოფებოდა.

გუშინ, ბრიუსელში მომხდარი ტერაქტი კი , მისთვის ლამის ფატალურად დასრულდა.

"ამბობენ, რომ ჩემს შვილს ღმერთმა სამი სიცოცხლე აჩუქა. მადლობელი ვარ, რომ მან ამ ყველაფრის გადატანა შეძლო" - ახცადებს მეისონის მამა.

შეგახსენებთ, გუშინ ბრიუსელის ტერაქტების სერიას 34 ადამიანი ემსხვერპლა, დაშავებულია 250-ზე მეტი ადამიანი.