რადიკალური ექსტრემისტული დაჯგუფება “ისლამური სახელმწიფო” მორიგი ტერაქტებით იმუქრება. ჯიჰადისტების მიერ გავრცელებულ განცხადებაშია ნათქვამი, ბრიუსელი სამიზნედ საგანგებოდ იქნა შერჩეული. ექსტრემისტების განცხადებით, “უარესი დღეები დადგება ჯვაროსნული სახელმწიფოებისთვის”, რომლებიც “ისლამური სახელმწიფოს” წინააღმდეგ იბრძვიან.

გავრცელებულ განცხადებაში ნათქვამია, რომ "ისლამური სახელმწიფოს" მებრძოლებმა თავდასხმები შაჰიდის ქამრებისა და ასაფეთქებელი მოწყობილობების საშუალებით განახორციელეს. ჯიჰადისტების თქმით, აფეთქებების შედეგად 230-ზე მეტი ადამიანის გარდაცვალებას ელოდნენ.

ამავდროულად, ბელგიის პოლიციამ დაადასტურა, რომ დღეს ბრიუსელის ერთ-ერთ რაიონში ჩხრეკისას ასაფეთქებელი მოწყობილობა და "ისლამური სახელმწიფოს" დროშა აღმოაჩინეს.

შეგახსენებთ, გუშინ, ბელგიის დედაქალაქში, ბრიუსელის ვანეტამის აეროპორტსა მეტროსადგურებში "შუმანსა" და "მაალბეკში" "ისლამური სახელმწიფოს" მიერ მოწყობილ ტერაქტებს 34 ადამიანი ემსხვერპლა, დაშავებულია 250-ზე მეტი ადამიანი.