ბრიუსელში საგანგებო ჯგუფის გაგზავნას ამერიკის შეერთებული შტატები გეგმავს. მსოფლიო ლიდერები ბელგიას თანადგომას უცხადებენ და მზადყოფნას გამოთქვამენ ითანამშრომლონ შესაბამის სტრუქტურებთან, რათა დროულად მოხდეს დამნაშავეთა პოვნა და მათი კანონის შესაბამისად დასჯა:

აშშ-ს პრეზიდენტმა მომხდარზე კომენტარი კიდევ ერთხელ გააკეთა და აღნიშნა, რომ კოალიცია „ისლამურ სახელმწიფოზე“ თავდასხმებს კვლავ განაგრძობს:

„ჩვენ მსოფლიოს 60-ზე მეტ ქვეყანასთან ერთად განვაგრძობთ ბრძოლას ისლამური სახელმწიფოს წინააღმდეგ და მათ დავამარცხებთ. ბრუსელში მომხდარი ტერაქტები კიდევ ერთი ნიშანია იმის, თუ რატომ უნდა გაერთიანდეს მსოფლიო ტერორიზმის წინააღმდეგ ბრძოლაში, მანამდე კი ვლოცულობთ გარდაცვლილებისთვის და დაშავებულებს გამოჯანმრთელებას ვუსურვებთ“, - განაცხადა ობამამ.