ბელგიელმა სამართალდამცავებმა აეროპორტში ე.წ. "შაჰიდის ქამარი" იპოვეს

მსოფლიო - 17:36, 22 Mar, 2016

2468

ბელგიელმა სამართალდამცავებმა აეროპორტში აუფეთქებელი ე.წ. „შაჰიდის ქამარი“ და საეჭვო პაკეტი აღმოაჩინეს, რომელშიც ასაფეთქებელი მოწყობილობა აღმოჩნდა. ამის შესახებ „ბიბისი“ ბელგიელ სამართალდამცავებზე დაყრდნობით იტყობინება.

გამოცემის თანახმად, ამ წუთებში სამართალდამცავები მოწყობილობის განაღმვას ახორციელებენ.

ამავდროულად, ვრცელდება ინფორმაცია, რომ ბრიუსელის თავისუფალ უნივერსიტეტში გამნაღმველებმა საეჭვო პაკეტის გაუვნებელყოფა შეძლეს. ამ დროისთვის უნივერისტეტის შენობა ევაკუირებულია, მიმდებარე ქუჩები კი გადაკეტილი. ბელგიის განათლების მინისტრის განცხადებისთ ყველა სკოლის მოსწავლე სასწავლო დაწესებულებაში რჩება ახალ ინსტრუქციის მიღებამდე.

შეგახსენებთ, დღეს დილით, ბელგიის დედაქალაქში, ბრიუსელის ვანეტამის აეროპორტში ორი აფეთქება მოხდამ რასაც 14 ადამიანი ესმხვერპლა, აფეთქება თვითმკვლელმა ტერორისტმა მოაწყო. აეროპორტის აფეთქებებიდან, რამდენიმე წუთში, აფეთქება ქალაქის ცენტრში მდებარე მეტროსადგურებში "შუმანსა" და "მაალბეკში" მოხდა. მეტროსადგურებში მომხდარი აფეთქებების მსხვერპლი 20-მდე გაიზარდა. ოთხივე აფეთქების შედეგად 151 ადამიანია დაშავებული. აღსანიშნავია, რომ მეტროსადგურ „შუმანის მოედანთან “ ევროკავშირის ინსტიტურებია განლაგებულია, მაალბეკი კი იმ უბანში მდებარეობს, სადაც ემიგრანტები ცხოვრობენ და სადაც, რამდენიმე დღის წინ პარიზის ტერაქტების მთავარი ეჭვმიტანილი, სალაჰ აბდესლამი დააკავეს. ბრიუსელში საფრთხის უმაღლესი- მე-4 დონეა გამოცხადებული.