ევროპის პარლამენტის პრეზიდენტი, მარტინ შულცი ბრიუსელში მომხდარ აფეთქებებს ეხმაურება და მოსახლეობას უსაფრთხო ადგილებზე დარჩენას სთხოვს:

„მე ვფიქრობ ბრიუსელზე და მის მოქალაქეებზე , ამ ამაზრზენი შეტევების შემდეგ. დარჩით უსაფრთხო ადგილებზე, მიჰყევით ხელისუფლების მიერ გავრცელებულ ინსტრუქციებს“, - წერს შულცი.

შეგახსენებთ, დაახლოებით ერთი საათის წინ, ბელგიის დედაქალაქში, ბრიუსელის ვანეტამის აეროპორტში ორი აფეთქება მოხდა, რომელსაც წინასწარი ინფორმაციით 13 ადამიანი ემსხვერპლა, დაშავებულია 35-მდე ადამიანი. გავრცელებული ცნობით, აფეთქება თვითმკვლევმა ტერორისტმა მოაწყო. აეროპორტის აფეთქებებიდან, რამდენიმე წუთში, აფეთქება ქალაქის ცენტრში მდებარე მალბეკისა და შუმანის მეტროსადგურებში მოხდა. მესამე და მეოთხე აფეთქების შედეგად ბრიუსელში მდებარე ყვველა მეტროსადგური დაიხურა, მუშაობა შეწყვიტა საზოგადოებრივმა ტრანსპორტმა. დაიხურა ასევე ევროპარლამენტის შენობა, რომელიც მალბეკის მეტროსთან მდებარეობს. უკანასკნელი ცნობით, მეტროში მომხდარ აფეთქებას 10 ადამიანი ემსხვერპლა.