დონეცკის სასამართლო თბილისის დროით 11:00 საათზე უკრაინელი პილოტის, ნადეჟდა სავჩენკოს განაჩენის გამოცხადების პროცესს განაახლებს, რომელიც მოსამართლის გადაწყვეტილებით გუშინ შეჩერდა.

შესაძლოა, მას 23 წლით თავისუფლების აღკვეთა შეეფარდოს. თუმცა, არ არის გამორიცხული, სავჩენკო უკრაინაში დაკავებულ რუს სამხედროებზე გაცვალონ.

ვერდიქტის გამოცხადებამდე უკრაინელი პილოტის მხარდასაჭერად, მსოფლიოს სხვადასხვა ქვეყნებში აქციები იმართება.

აქცია გაიმართა გუშინ 23:00 საათზე თბილისშიც, ჭავჭავაძის გამზირზე სუხიშვილებმა ხორუმი იცეკვეს. აქციაზე სავჩენკოს მხარდამჭერები იყვნენ შეკრებილნი.