უკრაინის პირველი ლედი მიშელ ობამას მიმართავს

მსოფლიო - 19:24, 21 Mar, 2016

2916

უკრაინის პირველი ლედი, მარინა პოროშენკო აშშ-ის პირველ ლედის მიშელ ობამას მიმართავს დაამის შესახებ უკრაინის პრეზიდენტრის ადმინისტრაცია იტყობინება.

" ძვირფასო, მიშელ. დიდი იმედი მაქვს, თქვენი ხმა არა მხოლოდ შეუერთდება გათავისუფლების საერთაშორისო კამპანიას, არამედ ახალი იმპულსს შესძენს დაკავებული უკრაინელების, მათ შორის ნადეჟდა სავჩენკოს გათავისუფლების პროცესს" - ნათქვამია უკრაინის პირველი ლედის წერილში.
მარინა პოროშენკოს წერილში აღნიშნულია, რომ 34 წლის უკარაინელი მფრინავი, ნადეჟდა სავჩენკო , საკუთარი სიცოცხლის ფასად, ამერიკელ სამხედროებთან ერთად ერაყში დემოკრატიისთვის იბრძოდა.

დღეს გავრცელებული ინფორმაციით, ნადია სავჩენკო რუსეთის სასამართლომ ჟურნალისტების მკვლელობაში დამნაშავედ ცნო. ბრალდების მხარე 23 წლიან პატიმრობას და 100 ათასი რუბლის ოდენობით ჯარიმას ითხოვს. საბოლოო განაჩენი სავარაუდოდ, ხვალ გახდება ცნობილი.

შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ საპატიმროში იმყოფება.