"დროა" პროექტის " გორი-სუფთა და უსაფრთხო ქალაქი" ფარგლებში სხვადასხვა აქტივობებს ახორციელებს.

ახალგაზრდული ორგანიზაცია "დროა"-ს ინიციატივით ქალაქის ქუჩებში მოხატული ურნები განთავსდა. აღნიშნული აქტივობა ქალაქ გორის კეთილმოწყობის სამსახურის ხელშეწყობით განახორციელდა.

ურნების მოხატვა დაახლოებით ერთი თვის მანძილზე მიმდინარეობდა, ამ დროის განმავლობაში "დროა" აქტიურად თანამშრომლობდა კეთილმოწყობის სამსახურის წარმომადგენლებთან.

მოხატული ურნების განთავსება ერთ-ერთი აქტივობაა, მათ შორის რასაც "დროა" პროექტის "გორი-სუფთა და უსაფრთხო ქალაქი" ფარგლებში განახორციელებს.

გორში სისუფთავის დაცვისა და თვითშეგნების ამაღლების კუთხით სხვა აქტივობებიც იგეგმება, რომელზეც "დროა" პროექტში ჩართულ მოხალისეებთან ერთად აქტიურად მუშაობს.