თსუ-ში ბოლო დროს შექმნილი დაძაბული ვითარების განმუხტვის შემდეგ თსუ-ის სტუდენტურმა თვითმმართველობამ 20 მარტს ჯარიაშენში ვიზიტი დაგეგმა. მათ ორი ავტობუსი საკუთარი რესურსებით დაიქირავეს და აპირებენ გააპროტესტონ რუსების მიერ სააკუპაციო ზოლის გადმოწევა.ამის შესახებ თსუ-ის სტუდენტური თვითმმართველობის პრეზიდენტმა შალვა საბაურმა განაცხადა:

,,ხვალ სტუდენტები მივდივართ ჯარიაშენში ქართული მიწების ოკუპაციის გასაპროტესტებლად, გვინდა ვანახოთ მსოფლიოს, რომ ჩვენ ყურადღებას ვაქცევთ, ჩვენ ვდგავართ ადრეული ასაკიდანვე სახელმწიფოს სადარაჯოზე, გვტკივა და რეალურად ვაფასებთ შექმნილ სიტუაციას. დღეს ყველანი საჭირო ვართ იქ, სადაც ჩვენებს ავიწროვებენ."