"მრგვალ მაგიდაში" ნაციონალური მოძრაობის გენერალური მდივანი ვანო მერაბიშვილი და კულტურის ყოფილი მინისტრი ნიკა ვაჩეიშვილიც მონაწილეობენ. ამ წუთებში სწორედ ნიკა ვაჩეიშვილი საუბრობს.

კულტურის მინისტრის მოადგილემ მარინე მიზანდარმა აღნიშნა, რომ კულტურის სფერო წინა ხელისუფლების დროს პოლიტიზირებული იყო და რაბათის ციხის საკითხის განხილვა მათი მხრიდან ამ დრომდე პოლიტიკურ კონტექსტში გრძელდება:

"ამაზე ისიც მეტყველებს, რომ რაბათის ციხის კომპლექსის შესახებ განცხადებები "ნაციონალური მოძრაობის" გენერალურმა მდივანმა გააკეთა და დოკუმენტები წარმოადგინა. ეს გააკეთა პოლიტიკოსმა, ან ყოფილმა პოლიტიკოსმა", - განაცხადა მიზანდარმა.

"საქართველოს კულტურულ მემკვიდრეობას არაფერი მოუგია იმისგან, რომ მისი გარემო ამდენად პოლიტიზებული იყო, ეს ინერცია გრძელდება და ამის დასტური გახლავთ ,,ნაციონალური მოძრაობის" გენერალური მდივნის განცხადებები და დოკუმენტაციის წარდგენა სარეაბილიტაციო და სარევსტარაციო პროცესთან დაკავშირებით.

ამ შემთხვევაში ის წარმოადგენდა ამ ყველაფერს, როგორც პოლიტიკოსი, ან როგორც ყოფილი პოლიტიკოსი და არა როგორც ექსპერტი. შენებით შეიძლება, რაღაც დავანგრიოთ კიდეც. კულტურული მემკვიდრეობა გახლავთ ეკონომიკის განვითარების საშუალება, მას სჭირდება სწორედ გამოყენება და არ უნდა შეეწიროს მოკლე ვადიან ეკონომიკურ ღირებულებას, რადგან ეს საშუალება გახლავთ მარადიული საშუალება", - განაცხადა მარინე მიზანდარმა.