შეგახსენებთ 13 ნოემბრის პარიზის ტერაქტების გამოძიების ფარგლებში 15 მარტს ბელგიის დედაქალაქში რეიდი ჩატარდა, ბელგიის და საფრანგეთის პოლიცელების გაერთიანებული ჯგუფი „ისლამური სახელმწიფოს“ წევრების დაკავების ოპერაციას ატარებდა, როდესაც მათ ცეცხლი გაუხსნეს, რა დროსაც 4 მათგანი, მათ შორის 3 ბელგიელი და 1 ფრანგი პოლიციელი დაიჭრა. პოლიციამ ერთ-ერთი შეიარაღებული თავდამსხმელი მოკლა, ადგილობრივი მედიის ინფორმაციით, ორმა თავდამსხმელმა მიმალვა შეძლო.
აღნიშნულ საქმესთან დაკავშირებით არსებობს ორი ვერსია, ერთი ვერსიით სალაჰ აბდესლამი აღნიშნულ ბინაში პარიზის ტერაქტამდე ცხოვრობდა, მეორე ვერსიით ის ამ ბინაში ბოლო პერიოდში ცხოვრობდა და გაქცეული ორი თავდამსხმელიდან ერთ-ერთი სწორედ ის იყო. თავად ბელგიის პროკურატურა ჯერჯერობით ვერსიებზე საუბარს თავს არიდებს და დეტალების დაკონკრეტებისგან თავს იკავებს.
მასალის გამოყენების პირობები






