"ახალი შრომის კოდექსი ავიწროვებს ბიზნესის ინტერესებს იმიტომ, რომ უნდა შეავიწროვოს" - ასე უპასუხა იუსტიციის მინისტრმა ბიზნეს-ასოციაციის წარმომადგენლის მიერ შრომის კოდექსთან დაკავშირებით გაკეთებულ განცხადებას.

შეგახსენებთ, რომ კანონპროექტს დეპუტატებმა მხარი დაუჭირეს. ცვლილებების თანახმად, ზეგანაკვეთური სამუშაო ანაზღაურებადი ხდება, ხოლო დამსაქმებელს დასაქმებულთან ვადიანი ხელშეკრულების გაფორმება ეზღუდება.

ბიზნეს-ასოციაციის დასაქმების და შრომითი მოწყობის კომიტეტის თავმჯდომარემ "კომერსანტთან" საუბარში განაცხადა, რომ რომ შრომის კოდექსის ამ ვარიანტის დამტკიცება ბიზნესსაც და დასაქმებულსაც კატასტროფულ შედეგებს მოუტანს და ბიზნესს დაანგრევს.