ცოტამ თუ იცის, რომ მსოფლიო მოდის ერთერთი განთქმული დიზაინერი, დახვეწილი სტილის ქალბატონი კოკო შანელი ნაცისტური გერმანიის დაზვერვის "აბვერის" კართოტეკაში ფიგურირებს. თუმცა, ზოგიერთი ექსპერტის აზრით, ეს შესაძლოა თავად შანელმა არ იცოდა.

გერმანული დოკუმენტებში, რომელიც საფრანგეთის თავდაცვის სამინისტროს არქივში ინახებოდა და ხანდაზმულობის ვადის გასვლის გამო, 2016 წლის 16 მარტს გასაჯაროვდა, აღნიშნულია, რომ 1942-43 წლებშ შანელი იყო ბარონ ჰანს გიუნტერ ფონ დინკლაგეს აგენტი და საყვარელი.

ასევე არქივში აღმოჩნდა ანონიმური წერილი, რომელიც გაგზავნილი იყო მადრიდიდან საფრანგეთის წინააღმდეგობის მოძრაობისთვის, სადაც ანონიმი ავტორი აცხადებს, რომ შანელი არ იმსახურებს ნდობას.

თუმცა, უნდა აღინიშნოს, რომ დოკუმენტებში არ აღმოჩნდა არც შანელის პირადი ხელმოწერა და არც მისი მოხსენებითი ბარათები.

არქივის დირექორი აცხადებს, რომ შანელი შესაძლოა სჭირდებოდათ პარიზის უმაღლესი საზოგადოების აზრის შესასწავლად, რასაც იგი თავის საყვარელს უყვებოდა, ისე, რომ არც კი იცოდა, რომ ეს ინფორმაცია აბვერში მიდიოდა.

"ის სავარაუდოდ დაარეგისტრირეს როგორც წყარო, პოტენციური ინფორმაციის მატარებელი და არა როგორც აგენტი, ეს მისი სასიყვარულო ურთიერთობის ბრალია," - აცხადებს არქივის დირექტორი..