“მე შევარჩიე კანდიდატი, რომელიც ამერიკაში აღიარებულია არა მხოლოდ როგორც ყველაზე გამჭრიახი გონების მქონე იურისტი, არამედ კეთილსინდისიერი, თავმდაბალი, პატიოსანი პიროვნება" - განაცხადა ბარაკ ობამამ მოსამართლის წარდგენის ცერემონიალზე.
63 წლის მერიკ გერლენდი 1997 წლიდან ვაშინგტონის ოლქის ფედერალური სააპელაციო სასამართლოს თავმჯდომარე იყო. აღნიშნულ თანამდებობაზე ის პრეზიდენტმა ბილ კლინტონმა წარადგინა.
მერიკ გერლენდი უზენაესი სასამართლოს მოსამართლედ ახლა სენატმა უნდა დაამტკიცოს, სადაც უმრავლესობას რესპუბლიკელები ფლობენ.
მერიკ გერლენდი უზენაესი სასამართლოში ანტონინ სკალიას ადგილს დაიკავებს, რომელიც თებერვალში გარდაიცვალა. სკალიას გარდაცვალების შემდეგ, სენატში რესპუბიკელებმა მოითხოვეს, რომ ახალი მოსამართლე არა ბარაკ ობამას, არამედ უკვე ახალარჩეულ პრეზიდენტს წარედგინა.
მასალის გამოყენების პირობები






