საგასტროლო კონცერტები, რომლებიც 7 ივნისს მოსკოვში, 8 ივნისს კი სანკტ-პეტერბურგში იყო დაგეგმილი, აღარ ჩატარდება - ამის შესახებ განცხადება მომღერლისა და გიტარისტი ვებ-გვერდზე ოფიციალურად გამოქვეყნდა:

"რუსეთის ხელისუფლების მხრიდან უფლებადამცველ ორგანიზაციებზე, მათ შორის Amnesty International-სა და Human Rights Watch-ზე ზეწოლის გამო, სამწუხაროდ, იძულებული ვხდები შევცვალო ივნისში დაგეგმილი კონცერტები. მე ძალიან მიყვარს რუსეთში გამოსვლა, ძალიან მიზიდავს ეს ქვეყანა და ხალხი, რომელიც იქ ცხოვრობს. იმედი მაქვს, იქ ამჟამად არსებული სიტუაცია სულ მოკლე ხანში უკეთესობისკენ შეიცვლება", - წერს მუსიკოსი.

იმ თაყვანისმცემლებს, რომლებმაც უკვე შეიძინეს ბილეთები, ეძლევათ რეკომენდაცია, მიმართონ სალაროებს, ბილეთში დახარჯული თანხის უკან დაბრუნების მიზნით. ბილეთების გაყიდვა რამდენიმე დღის წინ შეწყდა, თუმცა, მაშინ ამის მიზეზი ოფიციალურად არ დასახელებულა.

ეს არ არის პირველი შემთხვევა, როცა ნოპფლერი რუსეთის სახელისუფლო ვერტიკალს აკრიტიკებს: 2012 წლის აგვისტოში Pussy Riot-ის აქტივისტებისთვის თავისუფლების აღკვეთის შესახებ მიღებული გადაწყვეტილება გააპროტესტა: "ასეთი საქციელი ამცირებს რუსეთს მსოფლიოს წინაშე", - დაწერა მაშინ მუსიკოსმა.