"ეჭვი არ არის, რომ (რუსეთის) საქართველოზე თავდასხმას, წინ შიდა საბოტაჟი უძღოდა

"ეჭვი არ არის, რომ (რუსეთის) საქართველოზე თავდასხმას, წინ შიდა საბოტაჟი უძღოდა - პოლონეთის თავდაცვის მინისტრი

მსოფლიო - 14:02, 14 Mar, 2016

4391

პოლონეთის თავდაცვის მინისტრმა, ანტონი მაცერევიჩმა, 2010 წლის სმოლენსკის ავიაკატასტროფაზე საუბრისას, საქართველოც ახსენა.

„ეჭვი არ არის, რომ (რუსეთის) საქართველოზე თავდასხმას, წინ უძღოდა შიდა საბოტაჟი, შიგნით საქართველოში. არ არსებობს ეჭვი, რომ ის, რაც სმოლენსკში მოხდა, მიზნად ისახავდა იმ ადამიანების განადგურებას, რომლებიც პოლონეთის დამოუკიდებლობისთვის იბრძოდნენ“ - განაცხადა მაცერევიჩმა „როიტერთან“ ინტერვიუში.

შეგახსენებთ, მაცერივიჩმა, 2010 წლის აპრილში, სმოლენსკთან მომხდარ ავიაკატასტროფას, რომელსაც პოლონეთის პრეზიდენტი ლეხ კაჩინსკი ემსხვერპლა, „ტერორისტული აქტი“ უწოდა. თუმცა, არ დაუკონკრეტებია ვის აკისრებს პასუხისმგებლობას.

პოლონეთის გარდაცვლილი პრეზიდენტის, ლეხ კაჩინსკის თვითმფრინავის კატასტროფის გამომწვევი მიზეზის დასადგენად, პოლონეთის ახალმა მთავრობამ გასულ თვეს გამოძიება განაახლა.

შეგახსენებთ, პოლონეთის პრეზიდენტის ლაინერი სმოლენსკთან 2010 წლის 10 აპრილს ჩამოვარდა. პოლონეთის ლიდერის გარდა, ავიაკატასტროფის შედეგად ბორტზე მყოფი პოლონეთის დელეგაციის 100 წევრი დაიღუპა.

თვითმფრინავის კატასტროფის რამდენიმე ვერსია არსებობს. ერთ-ერთ ვერსიად რუსი დისპეჩერების დაუდევრობა სახელდება. ვერსიის თანახმად, მათ, ცუდი ამინდის პირობებში ხილვადობის დონე სათანადოდ ვერ შეაფასეს. რამაც, ეკიპაჟის შეცდომაში შეიყვანეს. მეორე ვერსიით თანახმად, სავარაუდოდ, ლაინერზე აფეთქება მოხდა, რის გამოც თვითმფრინავი ნაწილებად ჰაერშივე დაიშალა. ლეხ კაჩინსკის ტყუპისცალი ძმა იაროსლავ კაჩინსკი არ გამორიცხავს, რომ აფეთქება არა უნედური შემთხვევა, არამედ დაგეგმილი იყო.