თურქეთის მომხდარ ტერაქტს მსოფლიო ლიდერები და საერთაშორისო ორგანიზაციები გამოეხმაურნენ. ისინი მომხდარს გმობენ და თურქეთს მხარდაჭერას უცხადებენ.

ნატოს გენერალური მდივანი მზადყოფნას აცხადებს ტერორიზმთან ბრძოლის ერთობლივი ძალებით გასაგრძელებლად.

"მსგავს ძალადობრივ აქტს გამართლება არ აქვს. ნატოს ყველა მოკავშირე სოლიდარობას უცხადებს თურქეთს და მზადაა ებრძოლოს ტერორიზმის ნებისმიერ ფორმას,"- ნათქვამია განცხადებაში.

თურქეთს მხარდაჭერას უცხადებს ევროკავშირიც. საგანგებო განცხადება ფედერიკა მოგერინიმ და იოჰანეს ჰანმა გაავრცელეს.

"ჩვენ ვადასტურებთ მტკიცე მხარდაჭერას ტერორიზმის საფრთხის წინააღმდეგ საერთაშორისო თანამშრომლობის გაძლიერების მიმართ,"- აცხადებენ ევროკავშირის უმაღლესი წარმომადგენლები.