Google-ის მიერ დაწერილმა კომპიუტერულმა პროგრამამ ზედიზედ სამჯერ დაამარცხა სამაგიდო თამაშ "გო"-ს მსოფლიოს ჩემპიონი, 18 საერთაშორისო ტიტულის მფლობელი, კორეელი ლი სი დოლი.

მესამე მარცხის შემდეგ 5 თამაშისაგან შემდგარი სერია დასრულდა და ლი დამარცხებულად გამოცხადდა. თუმცა, იგი თამაშის გაგრძელებას აპირებს და კომპიუტერს კიდევ 2-ჯერ შეხვდება. თამაშები კვირას და სამშაბათს გაიმართება.

გო ჭადრაკის მსგავსი სტრატეგიული სამაგიდო თამაშია, გაცილებით რთული და მრავალფეროვანი სვლებით. იგი ჩინეთში რამდენიმე ათასი წლის წინ გამოიგონეს. თამაშის მესვეურები აცხადებდნენ, რომ ხელოვნური ინტელექტი ვერ შესძლებდა ადამიანის დამარცხებას, ან ეს მხოლოდ 10-15 წლის შემდეგ მოხდებოდა, თუმცა, ფაქტი სახეზეა.