აშშ სახელმწიფო მდივანმა ჯონ კერიმ აშშ-სა და რუსეთის წარმომადგენლების შეხვედრის წინ, რომელიც 12 მარტს ჟენევაშა და ამანში უნდა გაიმართოს, სირიაში ზავის შეთანხმების შესრულების საკითხზე კომენტარი გააკეთა.

მისი თქმით, დღეისათვის სირიაში ძალადობის დონე 80-90%-ით არის შემცირებული და ხელშეკრულება ჯერჯერობით არ ირღვევა. მან ხაზი გაუსვა, რომ ზავის დარღვევის ფაქტები მხოლოდ ასადის მომხრე ჯარების მიერ განხორციელებული სარაკეტო დარტყმებია, რომელსაც ის ტერორიზმთან ბრძოლით ამართლებს, თუმცა რეალურად მშვიდობიანი მოსახლეობა ზარალდება.

"ყველამ უნდა გაიგოს, რომ ბაშარ ასადის რეჟიმმა არ უნდა გამოიყენოს ეს პროცესი თავისი მიზნებისათვის, მაშინ როდესაც სხვა მხარეები ზავის პირობებს პირნათლად ასრულებენ," - განაცხადა კერიმ.