პერუს დედაქალაქ ლიმაში რამდენიმეათასიანი მიტინგი და მსვლელობა გაიმართა, რომლის მოთხოვნაც 10 აპრილს დაგეგმილ საპრეზიდენტო არჩევნებიდან კეიკო ფუხიმორის მოხსნა იყო. მას ამომრჩევლების მოსყიდვაში ადანასაულებენ. ინტერნეტში გამოჩნდა კადრები, რომელზეც ასახულია თუ როგორ არიგებს ფუხიმორი ფულსა და საჩუქრებს.

თავად ფუხიმორიმ განაცხადა, რომ მართლაც დაარიგა ფული, მაგრამ ეს წინასაარჩევნო კამპანიას არ უკავშირდებოდა - მან ფული და საჩუქრები ცეკვის კონკურსის გამარჯვებულებს გადასცა.

აღსანიშნავია, რომ ანალოგიური ბრალდებით, პერუს ცენტრალურმა საარჩევნო კომისიამ უკვე მოხსნა 2 კანდიდატი.

ფუხიმორი პერუს ყოფილი პრეზიდენტის ალბერტო ფუხიმორის ქალიშვილია, რომელიც ამჟამად ციხეში იმყოფება, ძალაუფლების ბოროტად გამოყენების ბრალდებით.