მშვიდობისმყოფელების მხრიდან ჩადენილი სექსუალური ძალადობის შესახებ გაეროს უშიშროების საბჭომ რეზოლუცია მიიღო. ბან კი მუნის ინიციატივას უშიშროების საბჭომ მხარი დაუჭირა. ინიციატივა დანაშაულში მხილებული პირების დასჯისა და მსგავსი ფაქტების აღკვეთის მიზნით მთელ რიგ ზომებს ითვალისწინებს.

დოკუმენტს 14-მა წევრმა დაუჭირა მხარი.

რეზოლუციის თანახმად, სექსუალური ძალადობის შესახებ მტკიცებულებების არსებობის შემთხვევაში, გაეროს მშვიდობისმყოფელები მისიას დატოვებენ. იმ შემთხვევაში თუ ქვეყნები, რომელთა წარმომადგენლებიც დანაშაულში არიან მხილებული, გამოძიებას არ ჩაატარებენ და დამნაშავეებს არ დასჯიან, გენერალური მდივანი უფლებას იტოვებს, მოცემული ქვეყნის კონტინგენტი მისიიდან მოხსნას და ის სხვა ქვეყნის წარმომადგენლებით ჩაანაცვლოს.