პოროშენკოს წერილი, რის გამოც სავჩენკომ მშრალი შიმშლობა შეწყვიტა, ყალბი აღმოჩნდა

მსოფლიო - 17:46, 10 Mar, 2016

2519

უკრაინის პრეზიდნეტის პეტრო პოროშენკოს წერილი, რომლის გამოც ნადეჟდა სავჩენკომ მშრალი შიმშილობა შეწყვიტა და სითხის მიღება დაიწყო, ყალბი აღმოჩნდა. ამის შესახებ ინფორმაციას, სავჩენკოს ადვოკატი ავრცელებს.

"იძულებული ვარ, სასწრაფოდ გაცნობოთ: დღეს დილით მე და უკრაინის გენერალური საკონსულო უცერემონიო სპეცოპერაციის ობიექტები გავხდით. მშრალი შიმშილობის შეწყვეტასთან დაკავშირებით ნადეჟდა სავჩენკოს დისკრედიტაციის მიზნით, ნადიას უკრაინის პრეზიდნეტის ყალბი წერილი გადასცეს. პეტრო პოროშენკომ ნადეჟდას დედასა და დას გამამხნევებელი სიტყვები დააბარა, თუმცა წერილი არ გაუგზავნია" - წერს სავჩენკოს ადვოკატი მარკ ფეიგინი ფეისბუკის გვერდზე.

დღეს გავრცელებული ცნობით, სავჩენკომ პრეზიდენტ პოროშენკოს თხოვნით მშრალი შიმშილობა შეწყვიტა.

შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

სასამართლო განაჩენს ნადეჟდა სავჩენკოს საქმეზე 21 ან 22 მარტს გამოიტანენ. ბრალდების მხარე 23 წლიან პატიმრობას და 100 ათასი რუბლის ოდენობით ჯარიმას ითხოვს. სავჩენკოს ამ დროისთვის მშრალი შიმშილობა აქვს გამოცხადებული.