სასამართლო სხდომაზე "გამომწვევი" ქცევის გამო, ნადეჟდა სავჩენკოსთან ექიმები არ შეუშვეს

მსოფლიო - 17:37, 10 Mar, 2016

3111

რუსეთის საგარეო საქმეთა მინისტრის, სერგეი ლავროვის განცხადებით, უკრაინელ მფრინავ ნადეჟდა სავჩენკოსთან ექიმები სასამართლო სხდომაზე მისი ქცევის გამო არ შეუშვეს. უკრაინელ კოლეგასთან, პავლო კლიმკინთან სატელეფონო საუბრისას, სერგეი ლავროვმა სავჩენკოს ქცევას "გამომწვევი" უწოდა. რუსეთის საგარეო საქმეთა მინისტრის თქმით, ბრალდებულმა მოსამართლეებს შეურაცხყოფა მიაყენა.

დღეს გავრცელებული ცნობით, სავჩენკომ პრეზიდენტ პოროშენკოს თხოვნით მშრალი შიმშილობა შეწყვიტა. პეტრო პოროშენკომ სავჩენკოს გათავისუფლების სანაცვლოდ, რუსეთს ტყვეების გადაცემაც შესთავაზა.

შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

სასამართლო განაჩენს ნადეჟდა სავჩენკოს საქმეზე 21 ან 22 მარტს გამოიტანენ. ბრალდების მხარე 23 წლიან პატიმრობას და 100 ათასი რუბლის ოდენობით ჯარიმას ითხოვს. სავჩენკოს ამ დროისთვის მშრალი შიმშილობა აქვს გამოცხადებული.

მთელი მსოფლიო მასშტაბით ნადეჟდა სავჩენკოს გათავისუფლების მოთხოვნით აქციები ტარდება.