Sky News-მა ISIS-ის წევრებზე 22 ათასი საიდუმლო დოკუმენტი მოიპოვა

მსოფლიო - 14:45, 10 Mar, 2016

2710

ბრიტანული მედიაკომპანია Sky News-ი სკანდალურ ინფორმაციას ავრცელებსს. კომპანიის ხელში ექსტრემისტული ისლამისტური დაჯგუფება "დაეშის" (“ისლამური სახელმწიფოს”) წევრების 22 ათასი საიდუმლო ანკეტა აღმოჩნდა.

Sky News--ის ცნობით, ანკეტებს ექსტრემისტული ორგანიზაციის “ახალწვეულები” ავსებენ. საიდანაც ირკვევა, რომ ჯიჰადისტების რიგებში 51 ქვეყნის მოქალაქე იბრძვის. დაჯგუფებაში გაწევრიანებამდე კი ისინი ვალდებულები არიან ანკეტაში პირადი მონაცემები მიუთითონ - სახელი, მისამართი, ტელეფონის ნომერი და ინფორმაცია ოჯახის წევრების შესახებ.

მედიაკომპანიის ცნობით, ანკეტები მეხსიერების ბარათზეა შენახული, რომელიც “ISIS-ის შიდა პოლიციის უფროსს “სირიის თავისუფალი არმიის” ყოფილმა მებრძოლმა აბუ ჰამედმა მოპარა.

ანკეტებში არსებული მონაცემების თანახმად, ექსტრემისტება მომზადება გაიარეს სირიაში,პაკისტანში, ემენში, სუდანში, ავღანეთში, ლიბიასა და ტუნისში.

ყველაზე შემზარავი, რაც საიდუმლო დოკემენტებში აღმოჩნდა, ე.წ. "წამებულების" დოკუმენტებია, რომელიც იმ მებრძოლების პირად მონაცემებს მოიცავს, რომლებმაც თვითმკვლელობისთვის მზადყოფნა გამოთქვეს , მომზადება გაიარეს და ნაწილმა მისია შეასრულა კიდეც.

აბუ ჰამედი, რომელმაც Sky News-ს აღნიშნული დოკუმენტაცია გადასცა, ISIS-ში “სირიის თავისუფალი არმიიდან” გადავიდა, თუმცა მალევე დატოვა. მისი თქმით, მას შემდეგ რაც ორგანიზაციას სადამ ჰუსეინის ყოფილი სამხედროები მართავენ, “ისლამურმა სახელმწიფომ” ისლამის წესებს უღალატა. როგორც აბუ ჰამედმა Sky News-ს განუცხადა, “ისლამური სახელმწიფო”, სირიელი ქურთები და ბაშარ ასადის ძალები სირიის ზომიერი ოპოზიციის წინააღმდეგ ერთობლივად იბრძვიან.